( Caprimulgus carolinensis )
Na ingles: " Chuck-will's-widow "
DESKRIPSHON:
E tin un grandura di punta di rabu pa kabes di 25 cm.
Un Souchi di Anochi tin un grandura di 20 cm i tin mas pretu den
su kolor. Serka e Falki di anochi e tono Maron ta sobresali.
Door ku e ta un para di anochi e tin wowo-nan grandi.
Den dia e wowo ta duru sera, anochi wowo-nan ta habri grandi grandi.
Aunke duru sera den dia, tog e ta hopi sensibel pa peliger.
Ku su buraku di nanishi grandi habri, i drumi den tera e ta sinti tur
vibrashon stranjo i hole tur lokual ta peliger pe.
Kolor-nan ta maron, pretu i krem.
E piek di dje ta relativamente chiki.
Na su boka e tin kabei-nan largu i steif. ( mustashi )
E mustashi aki e ta usa komo un tipo di kompensashon pa
su boka chiki. Den sierto sentido e mustashi ta hasi e boka mas grandi.
Ora e bai fangu un insekto, i e faja pa UN centimeter, e insekto lo
dal den e mustashi i dune un di dos chens.
Tambe e mustashi ta lage sinti direkt si ta na links of reks
e fajo ta sinta i e ta ahusta su hap.
UN AKLARASHON:
Nos konose: Souchi di Anochi i tambe Falki di anochi ( Caprimulgus carolinensis )
Den e buki " Birds of the netherlands Antilles" tin foto di unu ku ta jama:
Caprimulgus cayennensis, i tin un strepi blanku ta kore kompleto over di su wowo-nan.
E Caprimulgus cayennensis aki nos no a jega di mira nunka,
pero si e dos-nan ariba menshona : Chordeiles gundlachii tambe Caprimulgus carolinensis.
KUSTUMBER-NAN:
E ta sinta abou den tera i vigila insekto-nan ku tin den e area. ( anochi ).
Ora un insekto sali ( riba tera ) e ta bula riba dje i kue kome.
Ora un insekto sali ( den laira ) e ta bula riba dje i kue kome, pero
den laira e ta bula te na un altura di 3 pa 4 meter, kue e insekto i sinta den tera bek.
Nan bista ta hopi skerpi i nos a nota ku ora ku lus kai riba nan, e wowo ta lombra
meskos ku Poeshi. ( naturalmente den anochi )
Nan ta kome tur tipo di insekto, entre otro: Diferente Kriki, Diferente Mot,
Vruminga di Awa ( ku hala ) i asta Komehein.
No tin duda ku e para aki ta e maestro den bulamentu.
Aparte ku e por hoover (para un kaminda den laira) tambe
e por bula lugarnan sumamente perta i no ta saka sonido ora e bula.
E por pasa den un nachi smal, ( den arbusto-nan ) poniendo su kurpa vertikal.
E ta hasi esaki ku un velosidat slow i bunita.
Den e show aki por mira un strepi blanku den su hala,
loke no ta visibel ku hala sera.
Nan ta traha neshi abou na suela den jerba-nan seku.
Nan ta pone 2 webu kolor krem ku marka lila i maron aden.
E foto ku ta kompanja e tema aki ta saka na Kas Grandi ( banda riba )
i e Fotografo ku a sake ta : Chris Richards.