( Bubulcus Ibis )
Bubi di Baka no mester ta dje deskonosi ei.
Por rekonose fasil na Landfill i tambe den
kunuku ta kana tras di Karne i Kabritu pa
fasilita nan hanja kuminda.
Ora e Kabritunan kana, Insektonan ta sali for di
jerba i e Bubi di Baka ta hanja pa kome.
Nan tin kolor blanku, pik hil i kolor di pia
por ta hil, ros, oranjo of berde shushi.
Ora nan ta bai brui nan ta hanja pluma oranjo
riba kabes i stoma, nan pik i pia tambe ta bira oranjo.
E junan tin pik kolor pretu, mira foto ariba.
Nan gusta biba na grupo i ta prefera drumi kantu di awa
den palunan di mangel.
