Para Bobo ta un komedo di insekto.
E Para Bobo ta un para poko timido i no ta bini serka di kas.
I tog nos a jega di mira "Para Dusky" SI , ta jega i
biba serka kas.
Tin tambe e "Brown Crested Flycatcher" ku no ta bini banda di kas.
E 3 paranan aki por brua bo fasil mes !
Nan tur 3 i vooral "Dusky" i "Brown Crested" ta Paranan ku ta
wordu masha tiki menshona aki na Korsow, anto
nan ta Paranan ku tin aņa-nan kaba ta biba i brui aki.
E Para Bobo ta mas chiki den tur 3. Su midi ta 13 cm.
E ta kolor shinishi ku pechu shinishi light i leu su barika
tin un kolor hil kune. Riba su kabes tambe ta kolor shinishi i
e tambe por hisa e pluma-nan di kabes i su kabes ta bira mas grandi.
Riba foto-2 por mira kon esaki ta hisa djies un tiki.
Su pik ta chikitu, i ta tope den ramanan i tambe den palu grandi
ta buska insekto.
Vooral si tin un Para Bobo mas den e bisindario nan ta zwai
nan rabu chikitu bai bin sakando un tono di alegria pwiep-pwiep.
Pero si ta trata di advertensia pa no buska insekto kaminda e ta,
e ta zwai rabu bai-bin, pwiep-pwiep-pwiep i bula tras di e intruso
pa kore kune.

SEP 2004: Nos a topa 8 Para Bobo huntu ta bula na turno kue insekto
den jerba. Nan ta para riba taki-nan i bula abou kue un insekto i bini riba
taki bek. Den mondi na Mal-pais esaki tabata. Ora nan a deskubri nos,
nan a sigi pero ku menos frekuensia, i tiki tiki nan a kue otro rumbo.
E motibu di e nomber Bobo no ta konosi pa nos.