APARIENSIA :
Un paloma di tamajo regular ku kolor maron-licht .
Ora su hala ta habri por nota un strepi blanku ta kore
riba e hala. Su nomber a bini pa e motibo ei tambe.
Nan wowo ta hopi jamativo.
Rondo di nan wowo tambe nan tin un sirkulo sin pluma.
E machu tin e kolor roos ront di su wowo i e muher kolor pretu.
Segun e Alablanku hoben ta kresiendo esaki ta bira klaramente visibel.
E foto ariba ta di un Alablanka hoben, probablemente un machu.
E foto mas abou ta un Alablanka muher.
ALGUN KUSTUMBER :
Ultimo tempu Alablanka ta frekwenta kas hopi. Esaki ta door
ku nan ta hanja kuminda fasil den area di kas.
Nan ta biba na grupo den un area di mondi i sa bula
distansia largu for di kaminda ku nan ta drumi te kaminda
nan bai buska nan kuminda.
Alablanka no ta traha neshi den palu plat, pero ta usa
palu-nan grandi ku tin haltura.
Semper nan ta pone un (1) webu so.
E Alablanku machu no sa gusta drumi riba webu.
Nan ta kome diferente tipo di simia i diferente tipo di fruta.
Nos por a lesa den korant kon Dominikano-nan
( sin deskrimina niun rasa ) ta jaag e para-nan aki na kantidat.
Nos mes en persona a jega di topa kara-kara ku e Dominikano-nan
aki den mondi, bezig ta pluma (mata i kita pluma )
e Ala blanka-nan aki.
Nature in picture