( Chordeiles gundlachii )
Na ingles: " Antillean Night Hawk "
DESKRIPSHON:
E tin un grandura di punta di rabu pa kabes di 20 cm.
Un Falki di Anochi tin un grandura di 24 cm i tin mas maron den
su kolor. Serka e Sauchi di anochi e tono Pretu ta sobresali.
Door ku e ta un para di anochi e tin wowo-nan grandi.
Kolor-nan ta maron, pretu i krem.
E piek di dje ta relativamente chiki.
Na su boka e tin kabei-nan largu i steif. ( mustashi )
E mustashi aki e ta usa komo un tipo di kompensashon pa
su boka chiki. Den sierto sentido e mustashi ta hasi e boka mas grandi.
Ora e bai fangu un insekto, i e faja pa UN centimeter, e insekto lo
dal den e mustashi i dune un di dos chens.
Tambe e mustashi ta lage sinti direkt si ta na links of reks
e fajo ta sinta i e ta ahusta su hap.
Su buraku di nanishi ta semper habri, wowo-nan den dia duru sera.
Anochi wowo-nan ta habri grandi grandi.
UN AKLARASHON:
Nos konose: Souchi di Anochi i tambe Falki di anochi ( Caprimulgus carolinensis )
Den e buki " Birds of the netherlands Antilles" tin foto di unu ku ta jama:
Caprimulgus cayennensis, i tin un strepi blanku ta kore kompleto over di su wowo-nan.
E Caprimulgus cayennensis aki nos no a jega di mira nunka,
pero si e dos-nan ariba menshona : Chordeiles gundlachii tambe Caprimulgus carolinensis.
KUSTUMBER-NAN:
E ta sinta abou den tera i vigila insekto-nan ku tin den e area. ( anochi ).
Ora un insekto sali ( riba tera ) e ta bula riba dje i kue kome.
Ora un insekto sali ( den laira ) e ta bula riba dje i kue kome, pero
den laira e ta bula te na un altura di 3 pa 4 meter, kue e insekto i sinta den tera bek.
Nan bista ta hopi skerpi i nos a nota ku ora ku lus kai riba nan, e wowo ta lombra
meskos ku Poeshi. ( naturalmente den anochi )
Nan ta kome tur tipo di insekto, entre otro: Diferente Kriki, Diferente Mot,
Vruminga di Awa ( ku hala ) i asta Komehein.
Sauchi di Anochi ta un para hopi agil, kier min e ta bula liher, kontrola su
salida di buelo ora e ta bai kaptura un insekto.
E ta bula sin saka niun sonido.
E para aki tin sierto pluma-nan spesial disenja. Aparte di esei,
e ta jena su stoma ku aire ora e ta bai bula. Di tal forma ku
e NO tin nodi di bati hala mes, un tiki bientu ta sufisiente pa zwaai e
i den e zwaai ta dirigi so e ta dirigi.
Esfuerso-nan inkreibel nos a hasi pa trata na kue nan ku net. ( Tarea imposibel )
