Ta jame tambe Vruminga di Pupu.
E ta un vruminga ku sa kome shushi di bestia.
Si bo kwe unu tene den bo man e ta pone bo man hole stinki.
Nan ta pika hopi duru.
Nan tin kolor maron/kora.
Grandura : 7mm
KOMPARASHON:
E " Vruminga di Blachi " tin kolor mas skur, spesialmente su atras.
E " Vruminga Maron " su atras ta transparente of 2 tono di kolor.
Pero e " Vruminga di Pupu" aki tin atras chiki LOMBRA di un tono.

E " Vruminga di Pupu" ta kana den rij, basta duru tras di otro
pa bai kaminda tin kuminda.
Nan rij por ta bastante largu.

Informashon general:
Vruminga-nan ta maestro den komunikashon ,
bida sosial i organisashon.
Un reina di vruminga por biba 20 anja.
E kos ta start si e nase fertiel den un Kolonia
( e famia ku e ta pertenese na dje ).
E ta hanja hala ora e bira adulto i tin ku bula bai.
Si e NO bula bai e ta ser mata door di e otro vruminganan.
No por tin mas ku un reina den un kolonia.

E ta buska un luga koba traha un buraku simpel
den tera komo neshi.
E neshi por ta otro, depende di e rasa,
Ta bini vruminga machu for di otro kolonia serka dje.
Tin ku ta bai bek i tin ku lo keda.
E ta par (sex) ku un machu pa prome bia i ta perde su hala.
E machu ku par kune ta muri of ta ser mata.
For di e momento ei trabow ta start kaminda e
neshi simpel ta bira algu hopi mas grandi i organisa.
E ta pone su holor ( un sustansia kimiko)
na su neshi i tur otro vruminga ku ta biba den
su Kolonia.
E ora ei si, niun no por bandona e kolonia bai unu otro ku
ta existi. ( pero nan por bai si, na unu ku ta ser krea nobo.)
Si nan bai un kolonia existente tog, nan lo wordu mata.
Pesei por mira nan kana i mishi ku otro na boka, rekonosiendo otro,
i komunikando ku otro.
Aparte di esei tambe kada individuo por laga un holor atras
komo rastro (sinjal) indikando kaminda tin kuminda .

Un neshi por tin diferente entrada i salida i kada entrada
por ta asta 100 meter leeuw for di otro.
E neshi mes por tuma pida luga, of tin bia
te asta ta 8M kwadra di grandura.

Nan ta traha lugarnan spesial pa kada tarea. ( Kamber-nan )
Wardamentu di kuminda por bai den kamber mas
ariba kaminda e por ku kalor mientras e webu, jui-nan tin ku
bai den kamber mas abow (den tera) kaminda nan tin ku hanja,
mas humedad. Reina tambe tin su kamber i tin gang-nan etc etc.
Tin diferente rasa i e opstelling ta kambia poko.
Badjaga por-ehempel no ta pone e webu-nan hopi hundu.

E rasa-nan tambe tin nan diferente kustumber di kome tambe.
Entre otro tin rasa ku ta spesialisa den kos soet, otro kos vet
proteina haltu of otro ku gusta simia.