Ora nan ta kana den rij, nan ta usa un kanal pa kana aden.
Nan ta traha nan kas usando tera of palu garna, ku nan ta
meskla ku nan skupi.
E Komehein Trahado semper ta siegu.
Komehein su kuminda ta Palu.
E palu ku e Komehein ta kome e ta kombertie den suku.
Komehein tin mal nomber pa hende pasobra ora nan bini
den area di kas nan ta destui hopi kos. Entre otro nan ta kome
kozijn, porta, plafond, karton, ku un palabra tut tipo di struktura
di konstrukshon di Palu of semi-palu.
Aki na Korsou nos organisashon-nan no sa gusta usa estadistika
( sifra pa bai bek i mustra datos ).
Na Merka por ehempel sifra-nan ta mustra ku danjo-nan hasi na
propiedat-nan ta laba den 7 Miljon tur anja.
Ora Komehein establese su mes na bo plafond i kuminsa
destrui, su jegada NO tabata kana for di mondi jega bo kas i subi
plafond. No, nan ta jega bulando ( ku hala ).
Foto ariba ta ilustra e trabow ku Komehein tin di re-konstrui nan kas
despues ku awaseru a kai i laba parti di e kas.
Foto abou ta ilustra kon nan ta alega ( saka ) e jui-nan i webu-nan afo
for di kaminda ku a hanja danjo i pa despues di a re-konstrui pone bek.
Komehein ta bira mas-o-menos: 8mm

Informashon general:
Vruminga-nan ta maestro den komunikashon ,
bida sosial i organisashon.
Un reina di vruminga por biba 20 anja.
E kos ta start si e nase fertiel den un Kolonia
( e famia ku e ta pertenese na dje ).
E ta hanja hala ora e bira adulto i tin ku bula bai.
Si e NO bula bai e ta ser mata door di e otro vruminganan.
No por tin mas ku un reina den un kolonia.

E ta buska un luga koba traha un buraku simpel
den tera komo neshi.
E neshi por ta otro, depende di e rasa,
Ta bini vruminga machu for di otro kolonia serka dje.
Tin ku ta bai bek i tin ku lo keda.
E ta par (sex) ku un machu pa prome bia i ta perde su hala.
E machu ku par kune ta muri of ta ser mata.
For di e momento ei trabow ta start kaminda e
neshi simpel ta bira algu hopi mas grandi i organisa.
E ta pone su holor ( un sustansia kimiko)
na su neshi i tur otro vruminga ku ta biba den
su Kolonia.
E ora ei si, niun no por bandona e kolonia bai unu otro ku
ta existi. ( pero nan por bai si, na unu ku ta ser krea nobo.)
Si nan bai un kolonia existente tog, nan lo wordu mata.
Pesei por mira nan kana i mishi ku otro na boka, rekonosiendo otro,
i komunikando ku otro.
Aparte di esei tambe kada individuo por laga un holor atras
komo rastro (sinjal) indikando kaminda tin kuminda .

Un neshi por tin diferente entrada i salida i kada entrada
por ta asta 100 meter leeuw for di otro.
E neshi mes por tuma pida luga, of tin bia
te asta ta 8M kwadra di grandura.

Nan ta traha lugarnan spesial pa kada tarea. ( Kamber-nan )
Wardamentu di kuminda por bai den kamber mas
ariba kaminda e por ku kalor mientras e webu, jui-nan tin ku
bai den kamber mas abow (den tera) kaminda nan tin ku hanja,
mas humedad. Reina tambe tin su kamber i tin gang-nan etc etc.
Tin diferente rasa i e opstelling ta kambia poko.
Badjaga por-ehempel no ta pone e webu-nan hopi hundu.

E rasa-nan tambe tin nan diferente kustumber di kome tambe.
Entre otro tin rasa ku ta spesialisa den kos soet, otro kos vet
proteina haltu of otro ku gusta simia.