E Mot aki ta hopi pekuliar.
Nos sa ku tin insekto-nan ku ta imita nan alrededor di
tal forma ku nan apariensia ta skonde ( kamufla ) ku e
kurpa ku nan tin. Pero den kaso di e Mot aki, bo por imagina
ku su alrededor ta konsisti di " pida-pida material kima" ??
Stranjo ku ta parse, su kurpa ta imita un pida material kima.
( palu, blachi, papel )
Su kurpa tin diferente tono di krem i maron di tal forma ku
patras na su rant di hala e ta parse kima.
E foto ariba ta ilustra esaki klaramente, mientras na e
segundo foto por mira kon e apariensia di ta un Mot mes
ta wordu skondi.

E tin un grandura di 1.5 cm.
E ta drumi ketu den dia i ta hala su antena-nan
abou den banda di kurpa e momento ei.
Aunke su kolor ta di e forma ei, tog e gusta drumi
den jerba i blachi-nan berde.

Algun diferensia entre Mot i Barbulete:

* Antena di Mot no tin punta ku balita.
* Majoria Mot ta insekto di anochi.
* Majoria bia tin kolor dof, Barbulete tin kolor mas bibu.
* Mot ta drumi ku hala plat habri i Barbulete ku hala sera ariba.
* Pupa di Barbulete no ta wordu protega ( ta kologa liber na taki )
i un Mot si gusta protega su pupa skondi den tera, den un kaska
di blachi of traha di lodo.
* Mot ta reakshona riba klaridad, vibrashon i holor.