E Mot Meruda aki ta aktua puru Mot, pasobra e ta drumi duru den dia.
Por aserke libremente pasobra e no ta bula bai liher.
Su forma general ta poko largu. ( hala: regt i largu )
Mot Meruda su kolor-nan prinsipal ta Krem i Pretu.
Kabes i pia-nan ta pretu, un " arka" kolor krem ta pasa
riba su skouder bai patras.
E tin un grandura di 18mm.
Algun diferensia entre Mot i Barbulete:
* Antena di Mot no tin punta ku balita.
* Majoria Mot ta insekto di anochi.
* Majoria bia tin kolor dof, Barbulete tin kolor mas bibu.
* Mot ta drumi ku hala plat habri i Barbulete ku hala sera ariba.
* Pupa di Barbulete no ta wordu protega ( ta kologa liber na taki ) i un
Mot si gusta protega su pupa skondi den tera, den un kaska di blachi
of traha di lodo.
* Mot ta reakshona riba klaridad, vibrashon i holor.