E ta pertenese na e famia grandi di " Sulphurs ".
Grandura ta mas-o-menos 5cm.
Ariba plus abou di hala ta kolor hil. Den su hala tin algun mancha
kolor maron. I ta parse ku na Merka, ta e mancha-nan aki ta forma wowo ku
huntu ku rant di su hala ta lage parse " kara di un Kacho ".
E kara di e barbulete mes NO tin nada di-haber ku e nomber " Kare-kacho ".
Personalmente mi no por mira e forma di kare kacho te ahinda.

E Katerpilar di dje ta kolor berde ku strepi den su largura.

Algun diferensia entre Mot i Barbulete:
* Antena di Mot no tin punta ku balita.
* Majoria Mot ta insekto di anochi.
* Majoria bia tin kolor dof, Barbulete tin kolor mas bibu.
* Mot ta drumi ku hala plat habri i Barbulete ku hala sera ariba.
* Pupa di Barbulete no ta wordu protega ( ta kologa liber na taki ) i un
Mot si gusta protega su pupa skondi den tera, den un kaska di blachi
of traha di lodo.
* Mot ta reakshona riba klaridad, vibrashon i holor.