Tambe sa jame " Barbulete pretu " , pero korda e ta un Mot.
E tin kolor maron-skur i pretu i e muhe tin un strepi "V " kolor
krem riba su hala.
Bou di su kurpa tin kolor mas oranjo, i riba su hala 2 dibugo
manera wowo.
Krehensia ku hende grandi-nan a hinka den nos ta :
ora unu di e Mot-nan aki bini den kas, ta un famia of hende
serkano ta bai muri.
Nos Mot riba foto ta midi ( NO spanta ) 16 cm di grandura.

Algun diferensia entre Mot i Barbulete:
* Antena di mot no tin punta ku balita.
* Majoria Mot ta insekto di anochi.
* Majoria bia tin kolor dof, Barbulete tin kolor mas bibu.
* Mot ta drumi ku hala plat habri i Barbulete ku hala sera ariba.
* Pupa di Barbulete no ta wordu protega ( ta kologa liber na taki )
aunke tog bon kamufla. I un Mot si gusta protega su pupa skondi den tera,
den un kaska di blachi
of traha di lodo.

Nan ta reakshona riba klaridad, vibrashon i holor.