Kabes di Flecha ta un Mot i no Barbulete.
Tin diferente otro Mot-nan ku tin e forma ku
e Mot aki tin. Diferente kolor, grandura i insignia.
E kurpa kompleto di dje ta parse un punta di flecha.
E tin un kolor shinishi shushi ku un strepi maron
ta kore dwars parti patras.
E tin un grandura di 2.5 cm.
Algun diferensia entre Mot i Barbulete:
* Antena di Mot no tin punta ku balita.
* Majoria Mot ta insekto di anochi.
* Majoria bia tin kolor dof, Barbulete tin kolor mas bibu.
* Mot ta drumi ku hala plat habri i Barbulete ku hala sera ariba.
* Pupa di Barbulete no ta wordu protega ( ta kologa liber na taki ) i un
Mot si gusta protega su pupa skondi den tera, den un kaska di blachi
of traha di lodo.
* Mot ta reakshona riba klaridad, vibrashon i holor.