DESKRIPSHON:
Su kolor ta maron skur i na kada hala tin algun stip kolor krem.
Na su abdomen tambe e tin stip-nan kolor krem.
Su wowo ta basta grandi.
E Barbulete Papil ta pertenese na e famia "Skippers".
Bastante skuw , i tin un grandura di 2 pa 2.5 cm grandi.

Su nomber "Barbulete Papil" a bini door ku e Rups
ta lora su kurpa ku blachi di mata, manera esaki ta pida papil.
Aunke e no ta e uniko Barbulete ku ta hasi esaki.

E di 2 motibu pa e " Papil " ta door ku e por pone su hala-nan
den un posishon: habri-dwars meskos ku un Raket di papil.

SPLIKASHON:
E Barbulete aki ta pone su webu-nan riba blachi di e mata Calpacho.
E Barbulete aki por pone 2 pa 3 webu riba e mata.
Durante di e prome dia e webu aki ta kolor berde licht.
Mira aki un sekuensia kompleto di su webu.
E Rups ( jui ) ta kome e blachi-nan di e mata aki.
E mata Calpacho no ta presente den mondi.
Den mondi e Rups ta kome diferente tipo di jerba ( steif )
di kua e St. Agustin, Pali-gras etc.
E Rups ta komporta poko otro kompara ku Rups di otro Barbulete-nan.
Den dia ora ku Rups di otro Barbulete-nan ta kome, esun di
e Barbulete Papil ta drumi. Anochi e ta sali i kome. Anto tog e ta
desaroja hopi rapido. E Rups aki tin un ventaga, ku e ta for di peliger
durante di dia, door ku e ta lora su kurpa i skonde ku e blachi di
e mata of jerba durante di dia.

E RUPS:

E Rups tin kolor berde-skur i segun e ta krese ta bira berde mas kla.
Su kabes ta kolor maron-skur i segun e krese ta bira kolor kora.
E Rups hoben tambe tin schouder i final di atras blanku.
Adulto tin strepi-nan blanku manera ardu " temeroso " ta kore
ront su kurpa.
Pa esnan ku kier kria ( Rear ) e tipo di Rups aki, tin ku tene masha tino
ku e ta usa e jerba o blachi pa 2 kos. Esaki kier min ku den e Terrarium
mester tin dobbel kantidat di jerba fresku, kompara ku un Rups di e
otro tipo di Barbulete-nan.
E jerba berde riba nos foto-nan ta di e blachi di Kalpacho.
Algun foto ta saka for di nos Lab, i otro-nan for di nos Butterfly Garden.
E Thumbnail-nan aki bou ta ilustra diferente kos, entre otro e prome
ta duna un bista di e Rups ku a bira un Krysalis kaba.
Di dos foto: Un Rups drumi den blachi lora.
Di tres foto: Un Rups hoben.
Di kuater foto: Flor di Kalpacho ( e ta bini den diferente kolor )
I mas thumbnail . . . .

E punta di lenga di e Barbulete Papil ta kolor kora. Miembro-nan por mira esei AKI.
- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -
MEMBERS ONLY:
Hi-Resolution photos.