" Kima " ta un Mot i no un Barbulete.
E ta un di e poko Mot-nan ku ta totalmente aktivo den dia.
E Barbulete Kima ta interesante pa mira kon
e ta bula pasa over di jerba-nan.
E ta buska masha hopi prome ku e disidi pa stop
riba un jerba of flor.
Su kolor ta pretu-pretu.
E tin pida kolor blanku na su punta di hala-nan i bow
di su barika sa ta oranjo.
E ta midi 4 te 5 cm.

Algun diferensia entre Mot i Barbulete:
* Antena di Mot no tin punta ku balita.
* Majoria Mot ta insekto di anochi.
* Majoria bia tin kolor dof, Barbulete tin kolor mas bibu.
* Mot ta drumi ku hala plat habri i Barbulete ku hala sera ariba.
* Pupa di Barbulete no ta wordu protega ( ta kologa liber na taki ) i un
Mot si gusta protega su pupa skondi den tera, den un kaska di blachi
of traha di lodo.
* Mot ta reakshona riba klaridad, vibrashon i holor.