Enrealidat e ta un Mot i no un Barbulete.
Nos no sa di kon e tin e tipo di hala ei , pasobra
e ta bula manera sin kontrol kune ( pisa ).
Den dia e ta drumi den jerba.
Aunke na sonjo, tog bo no por sorprende-nan fasil,
pasobra nan ta reakshona riba vibrashon.
E tin un grandura di 1.5 pa 2cm.
Algun diferensia entre Mot i Barbulete:
* Antena di Mot no tin punta ku balita.
* Majoria Mot ta insekto di anochi.
* Majoria bia tin kolor dof, Barbulete tin kolor mas bibu.
* Mot ta drumi ku hala plat habri i Barbulete ku hala sera ariba.
* Pupa di Barbulete no ta wordu protega ( ta kologa liber na taki ) i un
Mot si gusta protega su pupa skondi den tera, den un kaska di blachi
of traha di lodo.
* Mot ta reakshona riba klaridad, vibrashon i holor.