Aunke e jama Barbulete Egoista, ta un Mot e ta.
E barbulete aki su hala-nan e ta tene habri konstant .
Meskos tambe ta e barbulete: "Bailarin".
Ora nan ta drumi tambe e hala ta keda habri.
Ora e para na un flor of blachi nos ta bisa e ta egoista
pasobra e hala habri no ta laga luga pa otro.
Su kolor ta shinishi/pus.
Su grandura ta mas o menos 2cm.
Algun diferensia entre Mot i Barbulete:
* Antena di Mot no tin punta ku balita.
* Majoria Mot ta insekto di anochi.
* Majoria bia tin kolor dof, Barbulete tin kolor mas bibu.
* Mot ta drumi ku hala plat habri i Barbulete ku hala sera ariba.
* Pupa di Barbulete no ta wordu protega ( ta kologa liber na taki ) i un
Mot si gusta protega su pupa skondi den tera, den un kaska di blachi
of traha di lodo.
* Mot ta reakshona riba klaridad, vibrashon i holor.