No ta tope frequente banda di kas, kompara ku mondi.
E Kambus tin un reputashon teribel.
Bo a jega di kohe un Muskita di sorpresa ? Esei no ta fasil tog ?
Wel e Muskita ta mira di unda bo ta bini, i por lanta buela mas lihe
ku bo por imagina, no esei so, e por start su buela for di tur angulo,
inkluso den reverso.
Tur esaki ta nada kompara ku loke e Kambus por hasi, dikon ? Wel
pasobra e Kambus ta un komedo di muskita bibu, i pa hasi esaki e tin
ku kohe-nan bibu.
Kambus ta super velos, e tin kara, wowo, i pia-nan meskos ku un Muskita.
Su grandura ta 2 cm di pia dilanti pa punta di hala, sin konta e punta pargu
na su atras.
Su kolor-nan ta pretu i maron.
E forma ku e ta kome un Muskita, ta lo sigiente:
E ta tene e Muskita di ta forma ku e por manda su pik entre garganta i lomba
di e Muskita. Ku su pik e ta chupa tur sous for di kurpa di e Muskita.
Den un emergensia semper e por bula bai ku e Muskita tene.