ARANJA   Karpunia

Aranja Karpunia ta un Aranja kamulfado.
E ta drumi riba taki of blachi ku ta berde mes kolor kune.
Den e posishon, sin move e ta warda e viktima aserka.
E no ta un " Aranja Bulado " e ta un " Sprinter" .
E ta jega na su viktima sin bo ripara ta kon ela jega.
" Karpunia " ta visibel den area di mondi mas tantu.
Ora un Aranja " Bulado " ta jag, e " Karpunia " ta drumi warda " kos " jega.
Nan ta kome otro insekto, p.e.: Muskita, Vruminga, otro Aranja,
Bichi, etc. Nan sa kaptura insekto-nan mas grandi ku nan tambe.
Apresia riba foto kon ela laga su Bichi para i kaptura un Dalakochi
dos bia mas grandi kune. Pa esnan ku a jega di tene un Dalakochi den
man, bo sa kon fuerte e Dalakochi su pia-nan ta pusha pa skapa. Awel
e Aranja Karpunia ta un Aranja chiki pero ku masha hopi forsa mes !
E ta gara e Dalakochi ku 4 pia dilandi mientras e tin 4 pia-nan patras
di LOCK na taki di palu. Mesora e ta buska morde-mentu di e Dalakochi
pa asina paralise ku su venenu.
Karpunia ta midi solamente 1.5 cm di grandura pero jen di maja ( Astusia )
Su kolor-nan ta berde/licht i hil/krem. Su barika ta un bala rondo ku un
insignia riba lomba .