E Aranja Kokolishi ta pone bo korda " Aranja Jagdo " ku tin e mesun
kustumber-nan ku ne. E ta traha un kas di seda fini i tambe e ta traha
un otro kas den banda ( seda mas grueso ) stail di un saku.
Den e kas manera saku e ta drumi, i ora algu pega den e seda mas fini
e ta sali door di e vibrashon ku e risibi, bai ataka ( pika ) su viktima.
Esaki e ta kome of lore den seda i warde te ora e tin mas hamber.
Si nos kompare ku e " Aranja Jagdo " : e ta mas grandi ( 15mm ) e tin
barika rondo i grandi ( kasi barika so e ta ) e tin un garganta largu i e tin
e 4 stip-nan riba lomba.
E nomber " Kokolishi " a bini door di e saku ku e ta drenta i sali ku
parse un Kokolishi enbista ku : e ta ku kara afo ora e ta den e saku.

BACK