E prome kos pa menshona serka e aranja aki ta: PELIGROSO.
E ta pika mes ! Aranja di Pinda no ta manera e otro aranja-nan
ku bo por kwe ku man i hasi wega ku ne.
En-realidat tin 5 tipo na mundu :
Latrodectus Hesperus
Latrodectus Geometricus
Latrodectus Curacaviensis
LatrodectusHystrix
Latrodectus Mactans
DESKRIPSHON:
E muhe ta kolor pretu lombra i tin bou di su barika
un forma di " oloshi di santu " kolor kora.
Su grandura ta 3cm si bo midi di pia pa pia.
E machu no ta pika i ta midi 1.5 cm.
Su kurpa ta mas delega tambe ku pia-nan mas largu.
Riba lomba e machu tin algun strip i stip kolor hil i kora.
Meskos ta e kaso ora nan ta jong.
Na jong tantu e machu komo e muhe tin mes kolor
i no ta pika.
E muher no sa sali for di su kas i semper ta drumi
ku su kabes abou den e kas.
KOMPORTASHON:
E no ta traha un kas bunita ku forma of struktura speshal.
Pero su seda ( hilu ) ta un di esnan mas fuerte di aranja-nan.
E ta rustig i skuw ta ora molestie e ta bira hopi agresivo.
Speshalmente ora e tin webu-nan ta protega.
HABITAT:
E ta traha kas den mata-nan, jerba, kantu di baranka i
palu-nan bieuw.
A jame Aranja di Pinda pasobra e prome bia-nan ku tabata
mire, tabata den rama di plantashon di pinda.
Awendia no tin hofi manera antes i plantamentu di pinda a baha.
Porta door di esaki e Aranja di Pinda a bira skars aki na Korsou.
Nan ta insekto-nan nokturno ( di anochi ) i nan no gusta friew.
DATOS:
Peso: 1 gram of menos. Adulto: den 80 pa 90 dia.
Webu: 250 pa 700 den un saku ( cocoon ). E saku ta traha
di hilu di seda i ta bira manera papel kolor krem.
Brui: webu ta brui den 30 dia.
Bida: nan ta biba 3 anja. Dieta: nan ta kome insekto.
Enemigo: Maribomba Pretu gusta kome.
Fama: nan ta e aranja MAS peligroso ku tin.
Veneno: nan veneno ta 15 bia mas fuerte ku esun di un Ratelslang.
Mortal: danki Dios ta djies un tiki so e ta prik semper. Mucha chiki
i hende grandi ( 70+ ) ta mas vulnerabel.
KANIBALISMO: Bo a lesa ku e ta pone 250 pa 700 webu i tog
unikamente 5 ta keda bibu. Dikon? pasobra e jui-nan mes ta kome otro.
Un forma mas di kanibalismo ta e hecho ku ora un muhe kaba di sex
ku e machu, majoria bia e ta kome.
PIKA:
Ora e Aranja di Pinda pika-bo, bo no sa mes.
Bo ta sinti despues dolor den barika meskos ku ta Apendix.
Muskulo-nan ta kuminsa morde i tin bia bou di plan-te-pia.
Otro sintoma ta: wowo ta hincha, lip ta seka i bo ta soda hopi.
KWIDO:
Den kaso si unu pika-bo, keda trankil, kohe e aranja si bo
por ja ta identifike. Bai Poly direkt pa nan trata bo.
No tin un anti-veneno pa su pika. Mientras bo ta na kas
bo por pone ijs na dje pa fria dolor i evita ku e ta hincha.
Nature in picture