Krap kora ta un tipo di Gengu ku tin un kolor masha
jamativo kolor kora.
E ta bira bastante grandi. Esun riba foto su kabes SO ta 23 cm.
E ta biba kaminda tin lodo of kaminda ta keda poko humedo.
E tin mes un kustumber-nan ku un Gengu.
Su tengla-nan ta grandi i masha fuerte.
Un Kangrew tin 8 pia i 2 tengla.
Tin bia nan ta kana distansia-nan largu.
E " Krap kora " por kana den banda, i tambe bek, aparte di kana dilanti.

Pa un Kangrew of Krap, lodo ta nan shelu.
Awaseru ta kai i krea lodo, i lodo ta nifika:

1) Hasimentu di tera moli.
2) Lastramentu di tera di un luga pa otro.

E lodo of tera lastra aki, ta los i trese na alkanse, hopi tipo di
materialnan Organiko. Entre otro: webu di insekto, larva, parti di kurpa
morto di insekto, reptiel, etc.
Kangrew-nan ta kome tur esaki-nan i mas.
Kangrew-nan ta " Scavengers" ( komedo di sobra di bestia morto i
kos-nan organiko ).
Ta bini aserka ku, no nesesariamente e kuminda mester ta solido,
pasobra den hopi kaso e Kangrew ta kome Lodo mes.
Durante di e kome-mentu di lodo aki en-realidat e Kangrew ta saka
( filtra ) e parti Organiko for di e lodo i skupi e lodo mes afo bek.

BACK-( KRUSTASIO )

HOME-PAGE