SUPERSTITIONS

.

.

.

.

Bijgeloof ta parti di nos kultura i NATURACAO ta dunabo un par ku e tema Palu-nan.
Si resulta ku spiritu spanta bo of "kos" malu pasa ku bo,
nos kier spierta bo for di awor nu Naturacao no ta para
responsabel pa NADA. Sea asina bon di lesa bow di
bo propio responsabilidad.Ami ta kere den
Dios pero mi sa muchu bon ku e kos-nan
aki ta pasa hopi. Si bo ke un di
e prueba-nan check e PALU
den punda pa bo mes.

.

Splikashon di e palabra "skuma"

Ora bo wordu "Skuma" bo ta bira hopi malu y ta sali skuma for di bo boka.
No pensa mes di bai dokter pasobra ta ku remedi traha na kas so por kura-bo.

.

Spook 1:  Nunka no drumi bow di palu grandi merdia of anochi,
Zoembi of Spiritoe malu ta skuma-bo.

.

Spook 2:  No bai bow di palu di Tamarijn grandi 12or di merdia,
ni tampoko laga 12or di merdia bati-bo bow di e palu,
Spiritoe of Kos malu ta drenta bo.

.

Spook 3:  ,Nunka no kap palu grandi den bo kura di kas te na stam,
kabes di kas ta muri (sea homber of muhe).

.

Spook 4:  Si bo mester mira skuma na un taki di palu
of na e fruta-nan, ta skuma di zoembi.
NO mishi ku ne ku bo man, bo por skuma of bo man por bira malu.

.

Spook 5:  Un fruta ta kai ora e bira rijp.
Pero si bo topa un fruta (vooral tamarijn) na palu ahinda
pero tog e ta pretu-pretu ora bo kaske paden,
ta zoembi a pashime,. . . Benta leeuw.

Spook 6:  Palu di tamarijn grandi SEMPER tin
kompanjera. Tin ta bisa ku esey ta ku semper e ta
wordu bishita pa spiritu, y tin ta bisa ku semper tin
un palu mas di tamarijn mas den bisindario, pa asina
e kasa di e spiritoe por keda na dje.

Spook 7:  Bo ta planta un "Sente bibu" den bo kura dilanti of kologa
unu chikitu riba bo porta di kas,y ajoo :e ta kore ku tur hende
ku ta bini bo kas ku mal intenshon y ta kore tambe ku tur
mal spiritoe-nan.

Spook 8:  Ora tin hopi palu di Sija huntu of na rij kantu di un tranke,
y bo pasa banda di nan anochi lat,si nan ta kras y kenja,(saka sonido)......Nan ta bisa ta
e spiritoe-nan ta papia ku otro.

.

Spook 9:  Si den bo kura bo tin un palu di Strena,
NUNKA boz no por kai den bo kura of riba bo dak.

Spook 10:  E jama "mata di koffi" y donjo di e mata aki ,
mester ta orgujoso pasobra tur donjo di "mata-nan di koffi"
ta hanja sueltu y PLAKA.

Spook 11:  Si bo topa den mondi un palu di divi-divi (Watapana) rondona ku datu (Kadushi).
Tene kuidow pasobra ta Dios di e Indjan-nan ta drumi den e palu.
E datu-nan ta pa protege.

Spook 12:  Ora Indjan-nan bai jaag i mata un bestia ku ta bieuw i tai,
nan ta lore den blachi-nan di papaja i lage pasa henter un anochi.
E sigiente dia e karni ta bira moli-moli.

Spook 13:  Si bo drumi bow di palu di divi-divi bo no por lanta
for di sonjo di bo mes.
Bo ta bai un sonjo hopi profundo.
Ta un otro hende mester bin lanta bo.

Spook 14:  Tempu di reinado Griego tabatin un muher masha bunita mes ku e rey tabata gusta masha.
E muher bunita aki su nomber tabata "Mentha".
E reina mes tabata masha jaloers i ku su poder ela komberti e muher
den un jerba.Te awe nos konose e jerba aki: Jerba Bueno.

Spook 15:  Mucha-nan di antes tabata sa di un manera masha fasil
si un mucha homber (of muher) stima-nan di berdad.
Nan tabata kita pida di e jerba "amor di neger" i tirele riba un datu.
Si e jerba aki no pega e persona no stime di berdad, pero si e jerba
pega i krese, e ora ei si e persona stime di berdad.

Spook 16:  Si mama di un jui fajese tin ku pone "jerba di hole"
bow di kusinchi di e jui pa evita ku e mama bin buska e jui bai kune.

Spook 17:  Ora un persona no por pega sonjo, ta pone "jerba di hole"
tras di su orea.

Spook 18:  Si bo tin un jui leuk, anto bo kier evita pa otro hende
ku nan wowo pisa duna bo jui ojada,
laga e mucha kana ku pida "jerba di hole" paden na su panja.

Spook 19:  Si un palu di "papaja-muher" no kier saka fruta,
klaba dos klabu den su stam forma di krus.
E ta pari UN BEZ !

Spook 20:  Un muher ku regla (ongesteld)NO POR para ni PASA bow di
un palu di lamunchi.
Tur lamoenchi lo pashima.

Spook 21:  Ora un palu di "lamunchi" no ke pari,bo tin ku kwe pida
palu i batie kune for di e stam te na e taki-nan.
E ta bini bij i kuminsa saka lamoenchi.

Spook 22:  Otro kos ku por hasi ora un palu di"lamoenchi" no kier
pari, bo ta koba rondo di su stam i hinka bleki bieuw den e buraku
i tapa-nan.

Spook 23:  Bo kier gana number of bo tin mala suerte,
traha un basora for di taki-nan di "wajaka" i bari kas kune.
E ta bari TUR mala suerte bai kune.

.

.

.