®
®
Kiko ta berdad : Sloke no sa bula ta kore nan ta kore anto duru ?
Wel. . . . . Sloke ta kore hopi duru i Sloke ta bula manera kualkier para.
E Sloke ta prefera kana i kore riba bula , i esaki a pone hopi hende
pensa ku Sloke no sa bula. Si e hanje den un perta of tin un otro Sloke
ta jama e ta bula normal. Su haltura ku e ta usa normal ta un haltura net
un tiki mas altu ku e palu-nan den mondi i e no ta keda den laira pa mas ku
30 sekonde, pero den e tiki ratu ei e ta bula duru bai distansia leeuw.
Sonido-nan
Sloke ta un para ku ta hasi uso di 3 tipo di sonido.
1) E gai (machu) ta fluit 2 tono : " Chu......Pwiep ".
Kada 40 sekonde pa 1 minut e ta ripiti esaki.
E ta use tur mainta tempran i tambe atardi (un tiki suku) pa
kuminsa i termina e dia .
2) E gai (machu) ta usa un solo tono : " Pwiep " hopi fuerte pa
galantia (pone e galinja guste) un Sloke muher.
3) Tur Sloke (gai , galinja i jong-nan) ta usa e sigiente sonido:
" Pwi- - -pwi- - -pwi- - -pwi " .
Uso di esaki ta na momento ku nan ta kana den jerba haltu of
kaminda nan no tin bon bista riba otro i asina nan ta komunika i
keda ku kontakto ku otro. Nan ta para-nan hopi sosial ku otro.
E mes un sonido aki pero mas liher tras di otro : " Pwi-pwi-pwi-pwi"
nan ta usa ora tin peliger i tin bia asta ora nan bula bai pa e peliger
nan ta sigi grita e tono aki bulando.
Neshi etc.
Sloke-nan ta parea ku otro manera Paloma-nan ta hasie.
Un Sloke no ta traha su neshi den palu na laira pero abow na suela
den arbusto. E neshi ta wordu bon skondi pa bestia i hende.
Esnan ku tin neshi ku jui of webu ta drumi den neshi abow pasobra
e otro Sloke-nan sin neshi ta drumi gewoon den palu na laira.
Nos no kier a mensiona ku e webu-nan di Sloke ta ser konsidera
un delikatese pasobra e no ta promove e kausa di Naturacao.