®
®
Pintura : Olwin Carolina
Entre e motibu-nan ku nos ke laga-bo konose e Sloke mas di
aserka ta :
a) Puntra un mucha (hopi adulto tambe)
splika kiko ta un Pitbull , Canarie of Boa , nan por kontesta
korekt , pero si puntra kiko ta un Sloke , Para bobo of Blauwduif
ajoooo nan a faja. Ku otro palabra nos hubentut por papia i sa hopi
kos di otro pais i nos propio kos-nan no. (algu di lamenta pero pesei
nos tei )
b) Korsow no tin niun buki of revista adekua ku ta
sinja bo esaki , i Naturacao a hanje obliga ta hasi su propio
estudio pa asina duna bo mas informashon riba e para aki.
Ku tur respet pa e gran trabow-nan hasi den buki-nan vooral e ultimo
"Nos para-nan" edita pa Stichting Dierenbescherming .
Den e buki aki no tin menshon di Sloke ni Blouduif.
INDENTIFIKASHON :
Un galinja ta bini for di e famia : " Hoenders" , i
un Sloke ta pertenese na e famia : " Quartel ".
Sloke ta e uniko para di e famia Quartel ku nos tin na Korsow.
Otro famia di Sloke ta: Patrushi i Kartonis ku tin aki na Korsow
pero NO ta di aki .( importa) Nos lo bini bek tambe riba Patrushi.
Wowo i boka di Sloke ta kolor pretu , riba su kabes tin un kuif , i
su grandura ta mas-o-menos manera un Paloma.
E kolor-nan di dje ta : Pretu , Maron i Blanku .
Serka e machu por nota un bala kolor blanku tras di su wowo.
Algu tipiko di e para aki ta su piek (boka), ku ta kortiku.