Sauchinan ta bini aki pa pasa winter.
For di kuminsamentu di September ta kuminsa miranan.
Nos a nota 2 tipo aki na Korsou. ( anja: 2001 )
Unu ku tin parti ariba di su hala i lomba ta kolor
blou-skur i unu ku tin hala kolor maron-skur.
E prome ta un: "Hirundo rustica" i e otro ta un
"Riparia riparia"

"Hirundo rustica" ta bini aki na kantidat i mas konosi tambe.
Por nota tambe na su rabu algun bala blanku ora e ta bula.
Su barika ta kolor krem. Na garganta i riba frenta tin kolor maron.
E tin rabu ku forma di sker patras.
Nan ta bula pasa plat-plat ku tera buska insekto pa kome.
Si bo ta serka kaminda nan bula pasa, bo por tende nan piek
zona ora nan kwe un insekto.

"Riparia riparia" su nomber na ingles ta: "Bank swallow".
Bank aki ta "River-bank" i Riparia" ta nifika Kanti awa.
Door di esaki bo ta mira esun ku hala maron kantu di awa mas tantu.
Nan rabu tin menos e forma di sker i ta un tiki mas chiki.
Nos a observa hopi na e salinjanan na St. Michiel.

Aki abow por observa rabu di un "Hirundo rustica" ku su balanan blanku.

Kontinua aki pa mira foto-nan di Sauchi komun i tambe CLOSE-UP
di un "Hirundo rustica".