Un di e paranan mas familiar di nos.
Dikon? pasobra e no tin masha miedu di hende.
Na tantisimo lugar na kas e por tuma su kustumber
pa pasa wak algu di kome. Asta e por bula pasa den
bo porta di sala, i sali na bentana.
Barika hil tin kolor pretu, blanku i hil i na su rant
di boka e tin poko kolor kora.
E Barika hil muher tin un strepi kolor blanku ta kore
riba su wowo, i e machu tin e mesun strepi pero kolor hil.
Nan ta abundante pasobra nan ta kome un dieta varia.
Na prome luga nektar di flornan i luego insekto i tambe
frutanan ku sap. ( By-the-way na kas suku tambe)
Na hulandes e tin e nomber: Suikerdiefje.
Den mondi e paranan aki tin nan teritorio kaminda nan ta
bula konstant buska nan kuminda.
I ta di spera ku nan ta pleita ku otro pa teritorio tambe.

Mas detaje ta disponibel den e les di "Naturalist".

INDEX : Paranan