®

.

.

Tokante nos organisashon

Naturacao ta nifika: Naturalesa di Korsow.
E organisashon a start na oktober 1997.
Nos NO ta un Stichting.
Nos ta simplemente un GRUPO !
NATURACAO-GROUP.
Nos tin e sigiente meta:

1 : Tene datos-nan di naturalesa aktual i na disposishon di komunidat.
2 : Mantene nos Web-site.
3 : Organisa kurso-nan a-petishon, tokante naturalesa di Korsow.
4 : Tene un registro di Para-nan lokal, imigra i bishitante.
5 : Organisa "Wak-para" ( Bird-watching ).

Un poko mas detaje riba e 5 meta-nan :
1 : Nos tin man habri pa tur individuo, grupo of instansia ku tin mester
di kualkier informashon tokante e naturalesa di Korsou.
Nos tin algun datos riba internet i si akaso mester di mas detaje of tema
ku no a ser kubri riba e Web-site, nos por ofrese e ampliashon ei.

2: Nos tin basta datos riba nos Web-site i tin mas pa agrega.
E Web-site ta un tarea grandi i ta rekeri hopi tempu, pasenshi i dedikashon.
Riba e Home-page semper por nota kiko tabata e ultimo 5 kambio-nan.
Asina tur hende por nota e konstansia ku nos ta atende ku e Site.
Ahinda e no tin e grandura original. Ofline nos tin hopi mas informashon
i portret-nan pa bini.( Ehempel: falta hinter e database di Palu i Jerba.)
NOS WEB-SITE TA GRANDI. MES !

3: E kurso-nan ta tantu pa mucha komo adulto.
"Naturalist" ta konsisti di 8 les riba djadumingu di 9 pa 11 am. den mondi.
Na final ta pasa un test vokal. ( no ta obligatorio )
Esnan ku pase bon ta risibi un sertifikado di :
Naturalist of Junior Naturalist. Kosto pa les: 70,-
Entre 7 pa 14 anja ta Junior Naturalist, i 15 anja pariba ta Naturalist.
Despues di esaki tin 2 direkshon mas ku por sigi.
Amateur Entomologist : E les aki ta dunabo e basiko pa studia insekt.
Ora bo tin e sertifikat aki bo por juda nos ku trabow-nan ku insekto-nan
(vooral mucha) den bo ora liber ( na kas mes ) i risibi un zakgeld.
E ta konsisti di 2 les riba Djadumingu i ta kosta 40,-
Naturalist-B : Ora bo kaba bo ta un lider pa guia Bird-watching i
Expedishon (tema spesifiko)
7 les riba Djasabra i kosto ta 130,-
Kursista mester tin minimo 20 anja pa esaki.
Ku e sertifikat Naturalist-B bo por traha riba bo mes of pa kwalkier
otro Grupo di Naturalesa pasobra e les-nan ta na nivel.
E lesnan aki ta konsisti di praktijk den mondi so.
E kurso-nan ta A-petishon kier min ku interesado mes tin ku presenta ku e
minimo di partisipante-nan.
Pa Naturalist 6 persona minimo, pa Amateur Entomologist 3 persona i pa
Naturalist-B 4 persona minimo.

4: Nos ta tene for di anja 2001 un registro di tur para lokal
i tambe otro-nan ku toka nos suela of shelu.
Den e buki "Birds of the Netherlands Antilles" di Prof. Dr. K. H. Voous
skirbi na 1955 i ku vershon Ingles na 1983 e la URGI pa un jui di tera
tuma e enkargo aki. (registra para-nan)
NIUN ALMA, NIUN ORGANISASHON lokal a hasi esaki te na anja 2001 (ofisial),
kaminda nos a tuma e inisiativa aki. Es mas, nos a kuminsa for di 1999 sin
ku nos a tuma nota di Prof. Voous su prekupashon.
E forma ku nos ta presente riba nos Site, ta experimental ahinda.
Registrashon ta MASHA importante, pasobra e ta duna un bista kla unda i kon
kada rasa di Para ta para.
Otro anja ku poder di Dios nos ta aplika un forma mas mihor pa presenta
e registro aki.

5: Naturacao ta organisa regularmente Bird-watching.
Esaki pa un jui di Korsou ( Antijano ) ta algu deskonosi.
Mainta tempran 6:30 den mondi te ku 8:30 am. Bo ta mira i sinja hopi.
Inkluso hopi para lokal ku ta deskonosi pa hopi hende.
Bird-watching NO ta un kaminata. Bo ta para of sinta un kaminda i observa.