Click riba e foto pa hasie mas grandi.
Pa regresa, primi BACK riba bo BROWSER.

For di e momento ku e Blenchi-Berde kuminsa traha su neshi
e ta kambia di karakter i bira un para mas agresivo.
Su agresividat tin komo meta: defende su teritorio "sagrado" kontra
tur otro bestia of hende ku pasa banda di su neshi.
E ta bula schuin-dwars dilanti di e Para of persona intruso i saka un
sonido " chiep-chiep-chie-chie-chiep" te ora ku e intruso kita.
Si e intruso ta un otro Blenchi, e ta bula su tras kore ku-ne te un
distansia basta leeuw.

PREPARASHON:
Un Blenchi-Berde tin hopi energia. Durante di e trabou duru di traha un neshi
e tin ku alimenta su mes tambe, chupando nektar for di flor-nan.
E distinkto nektar ku e ta chupa for di e flor-nan ta genera hopi energia pe.
Tambe su kurpa ta un tipo di kurpa atletiko i slank. ( hende muhe ta envidié )
Esaki alabes ta e uniko periodo tambe ku por nota tog ku e Blenchi-Berde ta
sinta un ratu. E sinta un ratu, bon bisa, ta momento pa vigila.
Mira riba ( foto: 1 ) kon e Mama ta sinta vigila mainta tempran i tambe
mira riba ( foto: 2 ) kon e Mama ta sinta vigila atardi laat.

NESHI:
E ta traha e neshi den 3 dia. Pa hasi esaki e ta usa fiber ( hilu ) fini
ku e ta saka for di taki i stam seku di palu i mata-nan.
99% di e neshi ta traha di e fiber-nan aki. ( foto: 3 )
E neshi tin un haltura di 3 cm i hanchura di 2 of 2.4 cm. E buraku ( hol ) mes
ta mas-o-menos 1.8 cm.
E Blenchi-Berde ta sabi, pasobra e ta traha e neshi majoria bia bon protega i skondi.

WEBU-NAN:
Manera e neshi ta kla e Mama Blenchi Berde ta bai drumi riba e neshi. ( foto: 4 )
Den 24 ora e ta pone e prome webu i e sigiente dia e di dos webu.
Ta trata di 2 webu kolor blanku-blanku di 8 pa 9 mm di grandura. ( foto: 5 )
E Mama tin un agenda strikto mara na tempu ora e ta drumi riba e webu-nan i
tambe ora e ta drumi riba e jui-(nan). E ta bandona e neshi pa un maximo
di 10 minut pa e bai kome bini bek.
Pa e motibu aki e neshi ta wordu traha tambe no leeuw for kaminda e por jega
na flor-nan. E kantidat di ora ku e mester drumi riba webu of jui, ta wordu interumpi
solamente ora tin peliger of intruso.
Ta dura 9 dia pa e webu-nan brui.

JUI-NAN:
Di niun forma un Blenchi-Berde NO por tin 2 jui. Demasiado energia pa kria 2 jui.
Tin un motibu spesial ku semper e ta pone 2 webu.
Si akaso algu bai robes ku unu semper tin e di dos. Si nada no bai robes, semper
2 jui lo nase PERO . . . . . e jui mas fuerte ( hopi bia esun ku a nase prome )
ku koperashon di e Mama ta tira e otro jui pafo di e neshi pa skapa di dje.
E neshi ku un hol di 1.8 mm no por karga 2 jui, e ta traha pa unu so.
Riba ( foto: 6 ) por mira e jui-nan riba nan prome dia di bida.

KRESE-MENTU:
Riba ( foto: 7 ) por mira e jui-nan ku 2 dia di bida.
E jui-nan tin kueru di kurpa kolor pretu. Por mira esaki kla riba ( foto: 6 ) i
( foto: 7 ). Por mira e kabei-nan largu Oranjo riba nan kurpa,
ku lo kai despues. Tambe loke ta notabel ta e piek.
E piek ta un piek normal manera
kualkier otro para. Esaki lo kambia drastikamente ora e jui kumpli 15 dia.
Ku 15 dia e jui su piek ta trek bira largu,( foto: 16 ) i sigi bira mas un piek
di Blenchi riba su di 17 dia di bida. ( foto: 18 )
Riba ( foto: 8 ) e jui tin 7 dia.
Riba ( foto: 9 ) e jui tin 8 dia.
Riba ( foto: 10 ) e jui tin 9 dia.
Riba ( foto: 11 ) e jui tin 10 dia.
Riba ( foto: 12 ) e jui tin 11 dia.
Riba ( foto: 13 ) e jui tin 12 dia.
Un dia krusial : dia12, pasobra e dia ei su wowo ta habri i e prome
pluma berde ta kuminsa sali.
Riba ( foto: 14 ) e jui tin 13 dia.
Riba ( foto: 15 ) e jui tin 14 dia.
Riba ( foto: 16 ) e jui tin 15 dia.
Riba ( foto: 17 ) e jui tin 16 dia.
Riba ( foto: 18 ) e jui tin 17 dia.
Ora e jui tin 17 dia di bida e ta bandona neshi.
2 of 3 dia despues di bandona neshi, e mama lo bai kaminda e jui ta i tambe
e jui lo bini kaminda e mama ta pa kuminda i alabes wak kon e mama ta
chupa na flor-nan. Despues di esei e jui ta kompletamente riba su mes.

E proseso ta tuma net un luna ( 31 dia ) for di dia ku e Mama kuminsa traha
e neshi te ora e jui sali for di e neshi.

19 dia despues ku e jui a bandona e neshi, nos por a nota tog ku e jui
ta tribi hasi kos di flo i pidi e Mama kuminda na boka.
Foto 19 i 20 ( e Blenchi Jui ) a wordu saka net despues di
kaba di hasi kos di golos.
Riba foto 20 por nota kon e Jui ta rek su kurpa flo tambe.

.