Man den garganta.

Mantis religiosa
( English: Praying Mantis )

Riba e foto ta trata di un machu ku tin un grandura di 5cm sin konta su antena.
E antena ta midi 3 cm largu. E ta un insekto di dia, kaminda nan por bula bini den kas
anochi aksidentalmente. Anochi ora e bai drumi anochi su wowo ta bira kolor mas pretu.
Na su 2 man ( parti paden ) e tin un mancha kolor pretu.
E ta kome diferente insekto, e.o. Katerpilar, Barbulete, Abea, Muskita, i Mot.
Webu-nan ta den " kaset " ( un kaska largu ku ta kontene 4 of mas webu )
E jui-nan ta fofo i por wordu transporta pa otro luga fasil door di bientu.
Den kaso ku e jui-nan no separa for di otro, nan ku nan ta kome otro.
Den 5 luna e jui-nan ta bira adulto.
Nan gusta kaminda tin hopi jerba i tambe kaminda flor ta nase.
" Man den garganta " ta dje Kanibal ei ku nan no por bira hopi nunka den bo kura i
kome tur Barbulete i otro insekto-nan.
Pa e motibu ei nan ta wordu konsidera " Bon Insekto " ( Beneficial insect ) door di tei pa kome
diferente di otro insekto-nan ku SI ta " Mal insekto ".

E " Man den garganta " su nomber Krijojo ta bini door di e 2 man ku ta parse ta na su garganta.
E insekto aki ta masha famoso mes pa 3 habilidat.
Prome: e ta wip riba su 4 pia-nan i tene su 2 man-nan huntu manera ta den orashon e ta.
E ta sigi wip hinter su kurpa bai-bin pone ku su viktima ta keda pendiente wak ta kiko e kier hasi.
E viktima ta spera ku ta bula e ta bai bula bai of kore bai etc. E viktima ta sigi wak te kai den trans.
Segundo: Aki e di 2 abilidat ta presenta su mes ora e viktima kai den trans, pasobra
e " Man den garganta " su 2 man-nan ta entre esnan mas lihe na MUNDU.
E ta kue e viktima sin ku esaki sa kon i kua ora.
Terser: No balota su boka chiki, pasobra e por kibra i kome e kaska di mas duru ku tin.

Su kolor ta berde light i antena tin kolor krem. E muher tin kolor pretu ku hala kolor maron.
Wowo di e muher ta kolor maron. Kompara ku e grandura di 5 cm sin antena, e muher tin un
grandura di 7,5 cm sin antena ( di 3 cm ) konta aden.
Despues ku un machu kaba di tene relashon sexual ku e muhe, den 70% di kaso e muhe ta kome.

CLICK HERE for Members view