ETAPA-NAN:
Dalakochi-nan ta pasa 3 siklo di bida.
Esaki -nan ta : Webu, Nymph i Adulto.
Hopi di e dalakochi-nan ku NO ta ser mira durante di sekura
ta pasobra nan ta permanesa bou di tera den forma di
webu, of riba tera den forma di webu pega na jerba i blachi-nan.
E webu-nan aki tin forma di banana, ku ta ser jama Pod.
E Pod tin forma di banana pasobra en realidat tin 4 te 40 webu
tras di otro den e Pod ei.
Midi di un Pod ta depende di e tipo di dalakochi, i majoria di nos
dalakochi-nan ta midi 0.6cm largu i 1.5mm di diameter.
Ora awaseru kuminsa kai atrobe nan ta sali ( kibra kaska di webu )
bini riba tera i kuminsa kome.
Segun nan ta krese, nan ta laga nan kueru kai ( kaska )
loke ta ser jama "molting" na ingles.
Luego segun e sigi krese i sigi laga kweru kai.
E "molting " final ta dune hala i pia patras grandi i fuerte pa hop.
Kada bia ku e kueru kaba di kai, ta wordu jama un INSTAR.
Serka sierto rasa di dalakochi e machu ta pasa door di e proseso
di instar-nan hopi mas lihe ku e muher.

PAREAMENTU:
Aki na Korsou nos no konose aglomera-shon di dalakochi-nan.
Nos dalakochi-nan ta presenta den grupo-nan hopi chiki.
Den e kaso ei buska-mentu pa hanja parega ta nesesario.
Buska-mentu di parega serka e dalakochi tin hopi di haber ku:
sonido, olor i akto-nan visual.
Un machu ta kuminsa saka sonido di "kras" i tin bia sonido ku su
hala-nan. E ta atrae asina dalakochi muhe den e area, pero tin bia
machu tambe ta bini pa probecha wak si tin muhe ku e tambe por hanja.
Ora e muhe aparese, e machu ta kuminsa habri su hala-nan i duna show.
Tin dalakochi ku tin kolor-nan spesial ( skondi bou hala ) pa e show aki.
Tambe ta existi hanja parega kasualmente. I den e kaso-nan ei e machu
sa skonde i bula onverwacht riba e muher.

BULAMENTU:
Nos tin tur 2 tipo di dalakochi aki na Korsou: esun ku ta bula
distansia largu i esun ku no ta bula bai leu.
Bula distansia leu ta pa buska kuminda of bula for di un peliger.
Un dalakochi inmadura ( jong ) tin ku kana buska kuminda
pasobra su hala-nan no a desaroja ahinda.



DALAKOCHI-NAN