Den e tera fini e por koba un buraku i traha su kas.
Su kas na mes momento ta su trampa pa otro insekto-nan chiki.
Ora e insekto chiki-nan aki kai den e buraku nan no por sali fasil,
pasobra e tera ta slip nan manda abou kaminda e Nanzi tin un
tengla grandi habri pa gara-nan. E Nanzi no ta visibel den e buraku.
Si e laga algu mes pa mira, ta e tengla ku gana di gara insekto kune.

E Nanzi en realidat ta Larva ( Jui ) di un Jeje Peje.
.
E Nanzi ta kana ku lomba i ku su atras e ta koba i bai den tera.
E Mama ( Jeje Peje ) ta pone 1 webu den tera adekua, i esaki lo
bira den algun siman, un Nanzi. Despues di kome i bira fuerte,
e nanzi lo bira un Pupa ( den tera ).
For di e Pupa un Jeje Peje lo sali.
Nanzi ta un insekto benefisioso pa hende pasobra nan ta kome
Vruminga-nan i no ta hasi hende niun danjo.

( Members photo-1 )