Jerba di Hole
Ocimum sanctum

Jerba di Hole of Jerba di Hole blanku ta hopi popular.
E ta krese te na un haltura di 40 pa 50 cm i ta saka troshi
di flor-nan blanku chiki.
Su holor ta hopi dushi i por sinti esaki asina bo mishi kune.
Aparte di e jerba aki tambe nos tin Jerba di Hole Pretu ,
Jerba di Hole Anis i Jerba di Hole Kreina. E Jerba di Hole Anis
ta hole Anis i esun Pretu tin blachi-nan kolor mas skur i Jerba
di Hole Kreina ta keda chiki i tin blachi chiki ku ta hole Kreina ( Kruinagel ).
USO pa Jerba di Hole Blanku:
Traha Te kune i bebe pa Verkoud.
Pa jui ku ta saka Djente ta herebe e top-nan so i dune bebe.
Pa nerviosidat pone un top tras di orea.
Pa shushi den wowo ta tira 2 pa 3 simia den e wowo, e simia ta muha
i forma un slijm ku ta pega na e shushi i ta bai den huki di e wowo pa sali.