Beshi kora
Condalia Henriquezii.
E Beshi kora of tambe jama: Beshi pretu, Rombeshi, Beshi di Kabritu.
USO:
Tene kuenta ku tin un palu mas ku tin e nomber Rombeshi.
Esei ta Sideroxylon Obovatum ku tin e sigiente nomber-nan.
Rombeshi, Rambeshi, Beshi kora, Palo Lechi,
Plaka chikitu i Palu di Pluta. Komplika no ?
E otro Palu aki ( Sideroxylon Obovatum ) tin sumpinja chiki siendo
ku e ( Condalia Henriquezii ) tin sumpinja di 10 cm.
E Palu of Arbusto aki ( Condalia Henriquezii ) ta basta skars den mondi.
Sierto mondi so tine ahinda.
Esaki a bini door ku a rosa tereno net kaminda e palu-nan
aki tabata florese.
Por hanje na Korsou, Aruba, Boneiru i Noord Venezuela.
E fruta ta hopi gusta pa Prikichi, Blouduif, i Alablanka.
Antes mucha-nan tabata bai kana mondi spesial temporada di pari, pa
bai buska e fruta pa kome.
E palu por krese te 4 meter haltu i tin sumpinja-nan di 10cm largu.
Loke ta remarkabel: E ta un di e tiki palu ku tin blachi pega riba sumpinja.
Medisinalmente nos no sa.
Pero e fruta-nan ta wordu kome door di hende i bestia.
Kabritu ta kome e fruta plus blachi-nan.