Bare Lechi
Cryptostegia grandiflora.

E ta ser konsidera un plaga pa vetetashon aki na Korsow.
Despues di prome guera mundial a bini kune for di Madagascar
pa traha rubber for di dje.
Ora a deskubri rubber sintetiko no tabatin nodi di Bara di lechi mas
i asina e mata-aki a keda lubida i a bira un mata di mondi.
E ta konkista tur kaminda ku e ta pasobra e no tin enemigu.
Ku otro palabra : hende no ta kome ni use pa nada
i kabritu ni karne tampoko.
E tabata krese liber bai subi otro mata-nan in-ofensibel
i palu-nan Util.
Ora e subi-nan e ta choka-nan te mata-nan.
Nos a mire den mondi-nan kon e ta mata, palu-nan grandi di kenepa,
mispel, palma di mondi i tamarijn. Ta tuma un par di anja i ora e kaba
di sasia su sed, e mes ta seka i muri.
Pero ja e tin miles di ju nobo den bisendario kaba.
OK, : mata-nan manera esaki no a sinti e nesesidat pa kambia nada den nan
forma di biba. No tin nada ta stroba nan di biba ni menasa-nan .
Pero si tabatin menasa pa nan porta nan a
bisa : "laganos saka sumpinja ront nos taki pa protega nos.

Bo ta korda ku naturalesa ta dinamiko ?
Aja banda bestia-nan tambe ta kambia estrategia di biba.
Un di nan ta e Djaka.
Den mondi-nan di Korsow tin imensamente hopi Djaka i tur tin
ku kome tur anochi.
Nan tur no tin e suerte tur anochi di hanja un webu,
un para of otro menu pa kome.
Nan a adapta na mes na kome e rama di e Bare lechi ku tin abundante di dje.
E Bara di lechi ta knag bon i alabes ta sapig ( jugoso )
ora e ta berde door di e lechi.
Nos ta mira aki kon un adaptashon ageno ( Djaka )
ta afekta un Flora ku nunka tabatin enemigu.
Aki 20 anja por ta e Bare lechi ta dje leeuw ei ku e ta bini ku un
adaptashon pa defende su mes, por ta den un forma di sumpinja
of venenu fuerte, ken sa.