Infrow

Infrow ta hopi bon konose pa bon jui di Korsow.
No tin un mondi sin infrow na Korsow.
Awendia nos ta sali drenta auto i parkeer te na porta di trabow ,
drenta kantoor log-in riba kompiuter i gana nos pan.
Antes gana pan tabata mas brutu i naturalesa tabata hunga un rol grandi
den esaki.
Homber muhe i mucha mester a krusa pasa den kaminda di kabritu tur dia
kaminda Infrow tabata kompaja-nan konstant.
Awendia ki mishi Infrow hinka bo ? Ki mishi bo te ei-nan ? Ki nodi ?
Antes tabatin un krio di baka di lechi grandi na Sint Joris , kaminda e trahado-nan
mester a bai kue Infrow pa e baka-nan kome.
Tabata mula e Infrow huntu ku otro jerba.
Aunke mester a kima e sumpinja prome ku mula e Infrow , i tambe kima e sumpinja
pa evita ku e ta hinka e trahado-nan tog hopi tabata hanja hinka i asta infekshon
di e sumpinja-nan.
Grandi-nan ta bisa ora un Infrow hinka bo i kibra aden no bringa kune pa sake
e por kana bai mas aden i krea un tipo di likdor ku ta hasi masha dolor.
Pero pone Diagilon riba dje lage putri 2 dia i e ta sali.
Infrow ta flora den luna di : Februari , Maart i April.

USO :
Pa problema ku urina (hende ku ta urina tiki-tiki) ta herebe pida rais i bebe.
No traha e te (thee) sterki ni usa hopi di e rais pasobra bo ta urina sanger.
Pa galblas nan ta limpia un blachi laga trek den awa i bebe.