Manzalinja

Ta jama e palu aki Mansania of Manzalinja.
Mansania ta pertenese na un di e tipo di palu-nan ku ta krese hopi grandi.
E ta wordu lokalisa fasilmente den mondi-nan rond Korsow.
Fruta-nan di e palu aki i tambe e awa ku sali ora kibra un taki ta VENENU ,
i pa e motibo ei e ta masha tiki usa den kura di kas komo palu dekorativo of
di sombra. Si e awa bai na bo wowo e ta dunabo ontsteking.

Ora awaseru kai hopi i keda para, por nota kon skuma ta sali na
e stam di e palu.
Un fruta hechu na suela tambe lo forma skuma ront di su kurpa.
Si akaso bo ta den mondi i awaseru kuminsa kai, NO bai skonde
bou di e palu aki, pasobra e awa ku ta laba for di e blachi-nan ta grawata-bo.
E palu aki ta keda berde durante di sekura, algu masha importante mes.
Dikon ? Pasobra den mondi, door di su grandura i tambe door ku e palu aki
gusta nase na grupo-nan, e ta bira e luga favorito pa Blou-duif.
Den tur e blachi berde-nan i haltura, e Blou-duif ta sinti su mes protega
for di peliger, spesialmente ora e ta sosega.

USO: Kompletamente deskonosi pa nos.